R3 منصوبے کی انکوائری رپورٹ پر دو ارکان نے دستخط نہیں کئے

اسلام آباد (طارق بٹ) راولپنڈی رنگ روڈ (R3) منصوبے کے حوالے سے فیکٹ فائنڈنگ انکوائری رپورٹ، جس کی وجہ سے راولپنڈی اور اٹک اضلاع کی انتظامیہ کی تنظیم نو ہوئی ہے، پر اس کے تین میں سے دو ارکان نے دستخط نہیں کیے۔ راولپنڈی کے سابق کمشنر محمد محمود ، جن پر جامع انداز میں تنقید کی گئی ہے اور ’فراڈ‘ کیلئے ذمہ دار ٹھہرایا گیا ہے، اپنی کہانی کا رخ بتانے کے لئے دستیاب نہیں تھے۔ تاہم ان کے قریبی ذرائع نے دی نیوز کو بتایا کہ محمد محمود کی بغیر سنے مذمت کی گئی ہے۔ ذرائع نے بتایا کہ انہیں انکوائری کمیٹی کو اپنا تحریری جواب جمع کرانے کو بھی نہیں کہا گیا۔ ذرائع کا کہنا تھا کہ سابق کمشنر نے سوال کیا کہ ان کے جونیئر تین افسران کو حقائق کی تحقیقات کے لئے کیوں کہا گیا؟ پنجاب حکومت کی تشکیل کردہ انکوائری کمیٹی راولپنڈی کے نئے کمشنر گلزار حسین شاہ اور راولپنڈی کے ڈپٹی کمشنر اور ایڈیشنل کمشنر (کوآرڈینیشن) پر مشتمل ہے۔ ذرائع کا کہنا تھا کہ راولپنڈی کے ڈپٹی کمشنر اور ایڈیشنل کمشنر (کوآرڈینیشن) [جب سے تبادلہ ہوا ہے] نے اس رپورٹ پر دستخط نہیں کیے۔ گلزار حسین شاہ نے اپنی فیکٹ فائنڈنگ رپورٹ میں کہا ہے کہ ماحولیاتی نظام کی بحالی کے مقصد کے ساتھ وزیر اعظم کا اخلاص اس طریقے سے بہت تعلق رکھتا ہے کہ انہیں خود ہی شک ہوا اور سابق کمشنر محمد محمود کے جھوٹ کا نوٹس لیا۔ رپورٹ میں کارکردگی اور تادیبی (E&D) قوانین اور / یا ڈائریکٹری ریٹائرمنٹ کارروائی کے تحت محمد محمود کی معطلی اور کارروائی شروع کرنے کی سفارش کی گئی ہے۔ رپورٹ کا کہنا ہے کہ معلوم ہوا ہے کہ بولی لگانے کے لئے مشتہر 65 کلومیٹر طویل سیدھ کا کام سابق کمشنر اور اس کے ساتھیوں نے مشیروں کی غیر قانونی مدد سے غیر قانونی طور پر تیار کیا تھا۔ اس میں الزام لگایا گیا ہے کہ محمد محمود، سابق لینڈ ایکویزیشن کلیکٹر (ایل اے سی) وسیم علی تابش، سابق ڈپٹی ڈائریکٹر، پراجیکٹ مینجمنٹ یونٹ (پی ایم یو)، عبد اللہ نے لاعلاج غیر قانونی کاموں، دھوکہ دہی اور فریب کاری کا ارتکاب کیا، بغیر کسی اختیار کے احکامات جاری کیے اور خود سمیت کرایہ کے حصول کے سنڈیکیٹ کو فائدہ پہنچانے کے لئے عوامی فنڈز کا غلط استعمال کیا۔ ان کا معاملہ قومی احتساب بیورو (نیب) کو بھیجا جارہا ہے اور ان کی معطلی سمیت ای اینڈ ڈی کی کارروائی شروع کی جارہی ہے۔