گورنر پنجاب کا آج یکجہتی فلسطین کانفرنس کا اعلان

فلسطین کے خلاف اسرائیلی جارحیت کے معاملے پر گورنر پنجاب چوہدری محمد سرور نے آج گورنر ہاؤس میں یکجہتی فلسطین کانفرنس کرنے کا اعلان کیا ہے۔

کانفرنس میں سیاسی و مذہبی جماعتوں اور مختلف تنظیموں کے نمائندے شریک ہوں گے جبکہ کانفرنس کے اختتام پر مشترکہ اعلامیہ بھی جاری کیا جائے گا۔

اس کے علاوہ کانفرنس میں اسرائیل کی دہشتگردی کے خلاف مذمتی قرارداد بھی منظور کی جائے گی۔

اس موقع پر چوہدری محمد سرور نے کہا کہ مسئلہ فلسطین پر 22 کروڑ پاکستانی ایک ہیں، اسرائیل فلسطین میں دہشت گردی سے خون کی ہولی کھیل رہا ہے۔

اسرائیل کی غزہ پر رات گئے پھر شدید بمباری

اسرائیل کی جانب سے غزہ پر رات گئے شدید بمباری کی گئی، خلیجی میڈیا کاکہنا ہے کہ غزہ پٹی میں 20 منٹ میں 40 فضائی حملے کیے گئے ہیں۔

چوہدری محمد سرور نے کہا کہ پاکستان اقوام متحدہ میں فلسطینیوں کا بھرپور مقدمہ لڑے گا۔

اُنہوں نے کہا کہ اسرائیل میزائل کی طاقت سے فلسطینیوں کی آواز نہیں دبا سکتا۔

گورنر پنجاب نے اُمید ظاہر کرتے ہوئے کہا کہ انشاءاللّہ فلسطینی عوام آزادی کے مشن میں کامیاب ہوں گے۔