ڈہرکی ٹرین حادثے کی ذمہ دار وزارتِ ریلوے ہے: زویا ناصر

پاکستان شوبز انڈسٹری کی اُبھرتی ہوئی نوجوان اداکارہ زویا ناصر نے وزارتِ ریلوے کو ڈہرکی ٹرین حادثے کی ذمہ دار قرار دے دیا۔

زویا ناصر نے اپنے تصدیق شدہ انسٹاگرام اکاؤنٹ پر اسٹوری میں جاری کیے گئے پیغام میں کہا کہ ’دو ٹرینیں حادثے کا شکار ہوگئیں اور اس کی ذمہ دار صرف اور صرف ہمارے وزارتِ ریلوے ہے۔‘

اداکارہ نے کہا کہ ’اس بار! آپ اس افسوسناک واقعے کے لیے ٹرین آپریٹرز کو قصوروار نہیں ٹھہرا سکتے ہیں۔‘

اُنہوں نے شدید غصے کا اظہار کرتے ہوئے کہا کہ ’کرپشن اور نااہلی کی وجہ سے آج 60 سے زائد معصوم افراد کی زندگیاں ختم ہوگئی ہیں۔‘

ہماری ٹرینیں ٹریک پر کب چلیں گی؟ یاسر حسین کا سوال

پاکستان شوبز انڈسٹری کے معروف اداکار و میزبان یاسر حسین نے ڈہرکی ٹرین حادثے پر شدید افسوس کا اظہار کرتے ہوئے سوال اُٹھایا ہے کہ ہماری ٹرینیں ٹریک پر کب چلیں گی؟

واضح رہے کہ ڈہرکی ٹرین حادثے میں شہید ہونے والے مسافروں کی تعداد 65 ہوگئی ہے جن میں سے 58 میتیں ورثاء کے حوالے کردی گئیں جس کے بعد لواحقین کے گھروں میں کہرام مچ گیا جبکہ پاکستان بھر کے عوام سوگوار ہیں۔

کئی افراد کی نماز جنازہ ادا کی گئی اور تدفین پر رقت آمیز مناظر دیکھے گئے، گھر والے اور رشتے دار آہ و بکا کرتے رہے۔

زویا ناصر سیٹ پر کیوں گھبرا گئیں؟

پاکستان شوبز انڈسٹری کی اُبھرتی ہوئی نوجوان اداکارہ زویا ناصر سیٹ پر اپنی والدہ کو دیکھ کر گھبرا گئیں۔

حادثے کے 34 گھنٹے بعد اپ اور ڈاؤن ٹریک بحال کردیا گیا ہے تاہم کراچی سے 15 ٹرینوں کی روانگی منسوخ کی گئی، حادثےکی ابتدائی رپورٹ میں ٹرین حادثے کی وجہ پٹری ٹوٹنا قرار دیا گیا ہے۔