ٹیکس لگانے سے فیول اور بجلی مہنگی ہوگی: مفتاح اسماعیل

مسلم لیگ نون کے رہنما مفتاح اسماعیل کا کہنا ہے کہ وفاقی حکومت کی جانب سے ٹیکس لگانے سے فیول اور بجلی مہنگی ہوگی جبکہ تنخواہ دار طبقے کو ٹیکس میں چھوٹ دینی چاہیئے تھی۔

عمران حکومت نے 1200 ارب کے نئے ٹیکس لگائے: شاہد خاقان عباسی

مسلم لیگ نون کے رہنما اور سابق وزیرِ اعظم شاہد خاقان عباسی کا کہنا ہے کہ عمران خان کی حکومت آنے سے ملک میں 1200 ارب کے نئے ٹیکس لگے، جھوٹ بولنے سے حقائق بدلتے نہیں ہیں۔

کراچی میں مسلم لیگ نون کے دفتر میں پریس کانفرنس کرتے ہوئے مفتاح اسماعیل نے کہا کہ نج کاری کے پیسوں کو محصولات میں کبھی کسی نے حکومت نے نہیں رکھا۔

انہوں نے مزید کہا کہ 570 ارب روپے صوبے کبھی وفاقی کو نہیں دیں گے، ڈیری آئیٹم اور خام تیل پر ٹیکس لگا دیا گیا، فیول مہنگا ہوگا تو بجلی لازمی مہنگی ہو جائے گی۔

ٹیکس کلیکشن پر PTI نے تباہی کی ہے: سلیم مانڈوی والا

پاکستان پیپلز پارٹی (پی پی پی) کے سینیٹر سلیم مانڈوی والا کا کہنا ہے کہ ٹیکس کلیکشن پر پی ٹی آئی نے تباہی کی ہے، حکومت کو یہ نہیں پتہ ٹیکس کلیکشن کس طرح کرنی ہے۔

مفتاح اسماعیل کا یہ بھی کہنا ہے کہ اسٹاک مارکیٹ پر ٹیکس چھوٹ دے دی، کھانے پینے کی اشیاء اور تنخواہ داروں پر ٹیکس کم کر دیتے تو عوام کو ریلیف مل جاتا۔