سندھ میں کل سے گرج چمک کے ساتھ بارش اور آندھی کی پیشگوئی

سندھ میں 16 سے 19 جون تک گرج چمک کے ساتھ بارش اور آندھی کی پیش گوئی کی گئی ہے۔ 

محکمہ موسمیات کے مطابق 18 اور 19 جون کو کراچی میں بھی گرد آلود ہواؤں، گرج چمک اور ہلکی بارش کا امکان ہے۔ 

محکمہ موسمیات کا کہنا تھا کہ شمالی بحیرہ عرب کی ہوائیں 16 جون کو سندھ میں داخل ہوں گی۔

سندھ کے تمام اضلاع میں ہلکی بارش، گرج چمک اور آندھی کی پیشگوئی کی گئی ہے جبکہ بعض مقامات پر موسلادھار بارش کا بھی امکان ہے۔

محکمہ موسمیات کے مطابق بارش کے بعد وسطی اور بالائی سندھ میں گرمی کی شدت کم ہوجائے گی۔ 

بدین، ٹھٹھہ، حیدرآباد، عمرکوٹ، دادو، سکھر اور لاڑکانہ میں طغیانی کا خدشہ ظاہر کیا گیا ہے۔