ارمینا خان کو ماں کی یاد آنے لگی

16 جون ، 2021

پاکستانی شوبز انڈسٹری کی معروف اداکارہ ارمینا خان کو لاک ڈاؤن میں ماں کی یاد آنے لگی۔

اداکارہ ارمینا خان عالمی وبا کورونا سے پیدا ہونے والی صورتحال کے پیشِ نظر نافذ لاک ڈاؤن اور سفری پابندیوں کی وجہ سے کافی عرصے سے والدہ سے نہیں مل سکیں۔

اب ارمینا خان نے دُنیا بھر کی موجودہ صورتحال سے تنگ آتے ہوئے مائیکرو بلاگنگ ویب سائٹ ٹوئٹر پر لکھا کہ‘کبھی ختم نہ ہونے والا لاک ڈاؤن۔‘

اداکارہ نے بے یقینی کی کیفیت کا اظہار کرتے ہوئے لکھا کہ ’مجھے یقین نہیں آتا کہ مجھے یہ کہنا پڑ رہا ہے لیکن ایسا لگتا ہے اپنے گھر والوں کو دیکھے بغیر یہ ایک اور سال ہے۔‘

انہوں نے اپنی ماں کو یاد کرتے ہوئے لکھا کہ ’مجھے اپنی ماں کی بہت یاد آتی ہے۔‘

خیال رہے کہ پاکستانی اداکارہ ارمینا خان اس وقت اپنے شوہر کے ساتھ برطانیہ میں مقیم ہیں جہاں کورونا وائرس کی ایک ڈیلٹا قسم کے کیسز میں اضافہ دیکھنے میں آرہا ہے۔

ڈیلٹا کورونا وائرس سے برطانیہ میں مریضوں کے اسپتال میں داخلے کا خطرہ دگنا ہوگیا ہے۔