فرمان الہی
نماز کے اوقات
ڈائریکٹر ایف آئی اے سندھ عامر فاروقی کا کہنا ہے کہ نادرا کے کچھ ملازمین کی مدد سے غیرملکی ایجنسیوں نے اپنے لوگوں کی دستاویزات بنوائیں، اس کام کی وجہ سے ملک کو سیکیورٹی چیلنج درپیش آئے اور نقصان بھی ہوا۔
کراچی میں پریس کانفرنس کرتے ہوئے ڈائریکٹر ایف آئی اے سندھ نے کہا کہ نادرا کے ڈیٹا بیس میں این ایف ایس اور ٹی ٹی پی کے لوگوں کو شامل کروایا گیا۔
ڈائریکٹر ایف آئی اے نے کہا کہ القاعدہ کے آپریٹرز نے اپنے لوگوں کے شناختی کارڈ بنوائے، عبداللّہ بلوچ نے سلمان کے نام سے اپنا شناختی کارڈ بنوایا۔
عامر فاروقی نے کہا کہ بہت سارے برمی اور دیگر غیرملکیوں نے بھی شناختی کارڈ بنوائے، نادرا کے دو اسسٹنٹ ڈائریکٹر سمیت 3 گرفتار ملزمان سے تفتیش جاری ہے۔
ایف آئی اے حکام کا کہنا ہے کہ ملزمان کے خلاف دہشت گردی ایکٹ اور نادرا قوانین کےتحت مقدمات درج کئےجائیں گے۔
عامر فاروقی کا کہنا ہے کہ 2018میں گلستان جوہر دھماکے کے مرکزی ملزم نعمان صدیقی کو بھی گرفتار کرلیا گیا۔
انہوں نے کہا کہ پانچ سے دس سال کے دوران 40 لاکھ جعلی شناختی کارڈ بنائے گئے۔
