• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محمّد علی اشرف پاگلؔ

پوچھیے جو حالت ہے

درد کیسے راحت ہے

یوں اداس رہنا بھی

یار میری عادت ہے

آپ سے یہ کہنا تھا

آپ سے محبّت ہے

دل کہیں نہیں لگتا

آپ کی ضرورت ہے

آئینہ گروں کو بھی

پتّھروں کی حاجت ہے

تُو نہیں ملا مجھ کو

یہ بڑی اذیّت ہے

زخم کا یہ پیراہن

آپ کی عنایت ہے

اب جو مَر مٹا ہوں مَیں

آپ کو ندامت ہے؟

مَیں بکھر گیا لیکن

غم تِرا سلامت ہے

زندگی وہ ہے پاگلؔ

یوں بھی بے مروّت ہے

تازہ ترین