شاہین شاہ رواں سال ٹیسٹ میں سب سے زیادہ وکٹیں لینے والے بولر بن گئے

26 اگست ، 2021

جمیکا میں ویسٹ انڈیز کیخلاف 2 ٹیسٹ میچز کی سیریز میں مجموعی طور پر 18 وکٹیں لینے والے شاہین شاہ آفریدی نے ایک اور اعزاز اپنے نام کرلیا۔

قومی کرکٹ ٹیم کے نوجوان فاسٹ بولر شاہین شاہ آفریدی سال 2021 میں ٹیسٹ فارمیٹ میں اب تک سب سے زیادہ وکٹیں لینے والے بولر بن گئے۔

ٹیسٹ فارمیٹ میں رواں برس سب سے زیادہ وکٹیں لینے والوں کی فہرست میں شاہین شاہ کا پہلا جبکہ حسن علی کا دوسرا نمبر ہے۔

شاہین شاہ رواں برس ٹیسٹ کرکٹ میں 37 جبکہ حسن علی نے 32 وکٹیں حاصل کیں۔

اس فہرست میں انگلینڈ کے جیمز انڈرسن، ویسٹ انڈیز کمار روچ اور پانچویں نمبر پر جنوبی افریقہ کے انرچ نورجی ہیں۔

یاد رہے کہ شاہین شاہ آفریدی دو میچز کی سیریز میں سب سے زیادہ وکٹیں لینے والے پاکستانی فاسٹ بولر بن گئے ہیں۔ ویسٹ انڈیز کیخلاف انہوں نے دو ٹیسٹ میں 18وکٹیں حاصل کیں۔