• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹنڈو محمد خان: 8 ماہ کی بچی کا قتل، ملزمہ چچی گرفتار

تازہ ترین
قومی خبریں
18 ستمبر ، 2021
ٹنڈو محمد خان: 8 ماہ کی بچی کا قتل، ملزمہ چچی گرفتار

سندھ کے شہر ٹنڈو محمد خان کے ٹنڈو غلام حیدر تھانے کی حدود میں واقع گاؤں میں چچی نے 8 ماہ کی بھتیجی کو واٹر کورس میں پھینک کر قتل کر دیا۔

پولیس نے ملزمہ کو گرفتار کر لیا، ملزمہ نے جرم کا اعتراف کر لیا ہے۔

گاؤں عبدالرحمٰن جگسی میں 8 ماہ کی بچی مقتولہ بختاور کی لاش واٹر کورس سے ملی تھی۔

پولیس نے شک کی بنیاد پر بچی کی چچی کو حراست میں لیا تو خاتون نے بچی کے قتل کا اقرار کر لیا۔

ملزمہ نے پولیس کو بیان دیا ہے کہ گھریلو تنازع پر گھر کے ساتھ گزرنے والے واٹر کورس میں بچی کو پھینک کر قتل کر دیا تھا۔

پولیس نے مقتولہ کے دادا امید علی خاصخیلی کی مدعیت میں مقدمہ درج کر لیا ہے، واقعہ 16 ستمبر کا ہے۔

تازہ ترین