علی ظفر پاکستان کا مثبت چہرہ اجاگر کرنے والے امریکی صحافی کے معترف

گلوکار و اداکار علی ظفر نے امریکی صحافی گلین بیک کی افغانستان میں پاکستان کی مدد کے حوالے سے شیئر کی گئی کہانی پر اپنا ردعمل دے دیا۔

انہوں نے گلین بیک کو سراہتے ہوئے کہا کہ یہ سلسلہ وار ٹوئٹس ان تمام لوگوں کیلئے ہیں جو انسانیت پر سے اپنا اعتبار کھو بیٹھے ہیں۔

انہوں نے عمران خان کے ساتھ گلین بیک کا بھی پاکستان کا مثبت چہرہ اجاگر کرتی کہانی کو شیئر کرنے پر شکریہ ادا کیا۔

اپنے ٹوئٹ کے آخر میں گلوکار نے کہا کہ ہماری تمام تر نیک خواہشات اور دعائیں افغان خواتین کھلاڑیوں کے ساتھ ہیں۔

واضح رہے کہ امریکی صحافی گلین بیک نے اپنے حالیہ سوشل میڈیا پیغامات میں افغانستان سے صحافیوں اور امریکیوں کے انخلاء میں مدد پر وزیر اعظم عمران خان اور پاکستانی عوام سے کا شکریہ ادا کیا ہے۔

گلین بیک نے تمام ممالک کو مخاطب کرتے ہوئے کہا کہ ہم سب کو پاکستان کی امداد کو اجتماعی طور پر تسلیم کرنا چاہیے۔ ہم کسی کو اس لمحے کو فراموش کرنے کی اجازت نہیں دیں گے جس نے امریکا اور اس کے اتحادیوں کو ان کے وعدوں کو پورا کرنے کے قابل بنایا اور ان کی فوری مدد کی۔

ڈینس فریڈ مین بھی کرس گیل کے ساتھ پاکستان آنے کے خواہاں

سابق ویسٹ انڈین کھلاڑی کرس گیل کے پاکستان میں سیکیورٹی خدشات کو دور کرنے کیلئے پاکستان آنے کے اعلان پر آسٹریلوی صحافی ڈینس نے بھی پاکستان آنے کی خواہش کا اظہار کیا ہے۔

آخر میں انہوں نے یہ بھی کہا کہ سب یہ یاد رکھیں کہ افغان خواتین کی ٹیم عمران خان کی وجہ سے ہی افغانستان سے نکل سکی ہے۔

گلین بیک کا کہنا تھا کہ افغانستان سے نکلنے کیلئے دنیا کے کئی رہ نماؤں سے رابطہ کیا لیکن کوئی قریب نہ آیا، لیکن وزیر اعظم عمران سے مدد کا کہا تو وہ فوری طور پر عسکری اور سول وسائل اور عزم کے ساتھ سامنے آئے۔

انہوں نے کہا کہ پاکستان اور وزیر اعظم کی طرف سے کی جانے والی مدد کا شکریہ الفاظ میں ادا نہیں کیا جا سکتا۔