پی ایس ایکس 100 انڈیکس میں 223 پوائنٹس کی کمی

پاکستان اسٹاک ایکسچینج (پی ایس ایکس) میں کاروبار کا مسلسل چھٹا منفی دن رہا۔

پاکستان اسٹاک ایکسچینج میں گذشتہ جمعے سے شروع ہونے والی منفی کاروبار کی لہر رواں ہفتے کے پانچ روز برقرار رہی۔

آج 100 انڈیکس 223 پوائنٹس کم ہوکر 45 ہزار 73 پر بند ہوا ہے۔ کاروباری دن میں انڈیکس کی کم ترین سطح 44585 رہی۔

ملک میں ایک تولہ سونے کی قیمت میں 200 روپے کی کمی

سندھ صرافہ بازار جیولرز ایسوسی ایشن کے مطابق 200 روپے کمی کے بعد ملک میں ایک تولہ سونے کی قدر ایک لاکھ 13 ہزار 300 روپے ہوگئی ہے۔

شیئرز بازار میں آج 36 کروڑ 95 لاکھ شیئرز کے سودے ہوئے جن کی مالیت 11 ارب 77 کروڑ روپے سے زائد رہی۔

مارکیٹ کیپٹلائزیشن آج 41 ارب روپے کم ہوئی ہے۔ جو کاروبار کے اختتام پر 7 ہزار 831 ارب روپے ہے۔