سو سال تک زندہ رکھنے والی غذائیں

22 ستمبر ، 2018

شیئر کریں

اخروٹ
سو سال تک زندہ رکھنے والی غذائیں
اخروٹ کا شمارخشک میواجات میں ہوتا ہے، یہ ایک صحت بخش میوہ ہے جس کا استعمال انسانی جسم کے لیے بے حد مفید ہے۔ اخروٹ میں کچھ ایسےمائیکرو عناصر موجود ہیں جو کہ انسانی دماغ اور جسم کے لیےنہایت اہم ہیں۔ انسان کے اعصابی نظام کو صحت مند رکھنے کے لیے بڑی تعداد میں فیٹس (fats) کا استعمال ضروری ہےاور یہ خصوصیت اخروٹ میں ہے۔ ماہر غذائیت کا کہنا ہے کہ روزانہ کم از کم ¼ کپ اخروٹ کا استعمال انسانی جسم کو ضروری معدنیات فراہم کرتا ہے۔

لیموں
وٹامن ’سی‘ کی کمی کے شکار افراد کے لیے لیموں کا استعمال نہایت ضروری ہے۔ اس کے علاوہ لیموں میں موجود flavonoids انسانی جسم میں کینسرکے خلیوں کو بڑھنے سے روکتا ہےاور فلو سمیت دیگر بیماریوں کے ہونے سے بچاتا ہے۔

شاخ گوبھی
سو سال تک زندہ رکھنے والی غذائیں
شاخ گوبھی (بروکولی) گوبھی کی ایک خاص اقسام ہے، اسے’سپر فوڈ‘ بھی کہا جاتا ہے کیونکہ یہ امراضِ قلب، کئی اقسام کے کینسر اور ٹائپ ٹو ذیابیطس سے بچاتی ہے۔اس کے علاوہ شاخ گوبھی وٹامن ’کے‘ سے بھرپور سبزی ہے جو ہڈیوں کو مضبوط کرنےمیں مدد گار ثابت ہوتی ہے اور قوت معدافیت کو بھی بڑھاتی ہے تاکہ انسان مختلف بیماریوں سے لڑ سکے۔

لوبیا
سو سال تک زندہ رکھنے والی غذائیں
لوبیا ایک شاندار غذا ہےجو کہ ’سرخ اور سفید‘ رنگ کی ہوتی ہے، صحت کے حوالے سےاس کے حیرت انگیز فوائد ہیں۔ لوبیا میں پروٹین کثیر تعداد میں پایا جاتا ہےجو کہ انسانی جسم کی نشونما کے لیے بےحد فائدہ مند ہے۔ سرخ لوبیا میںموجود فائبر انتڑیوں کو کمزور ہونے سے روکتا ہے اور نظام انہضام کو درست رکھتا ہے۔

ڈارک چاکلیٹ
سو سال تک زندہ رکھنے والی غذائیں
ایسی چاکلیٹ کا استعمال ہرگز نہ کریں جن میں دودھ اور میوے شامل ہوں یہ انسانی صحت کے لیے نقصان دہ ثابت ہوسکتی ہیں بلکہ خالص ڈارک چاکلیٹ کے کھانے کا کہا جاتا ہے کیونکہ اس میں موجود flavonoids اور دیگر ایسڈزجسم سے فالتو چربی کو کم کرتے ہیں۔ ڈارک چاکلیٹ کا استعمال خصوصی طور پر وزن کم کرنے کےلیے کیا جاتا ہے۔