صبح صبح کی عادتیں جو رکھیں آپ کو جوان

22 ستمبر ، 2018

شیئر کریں

چہرے کی حد سے زیادہ کلینزنگ
رات کی نیند کے بعد آپ کی جلد کو جگانے کی ضرورت ہے، اسے Medicatedکلینزر کے ذریعے اس کی قدرتی چکنائی سے محروم نہ کریں۔ آپ کو شاید معلوم نہ ہو کہ وہ خواتین اپنی عمر سے کہیں زیادہ بڑی لگتی ہیں، جن کی اسکن خشک ہوتی ہے۔ جیسے جیسے عمر بڑھتی ہے، جلد میں قدرتی آئل کی پیداوار بتدریج کم ہوتی جاتی ہے، جس سے جلد بے رونق اور بے جان ہو جاتی ہے۔ نتیجہ؟ جھریاں اور خول زیادہ نمایاں بن جاتے ہیں اور Appearanceپہلے سے بھی زیادہ بے رونق ہوجاتی ہے۔ ماہرین کا مشورہ ہے کہ رات میں چہرے کو اچھی طرح صاف کریں اور صبح میں چہرے کو صرف نیم گرم پانی سے واش کریں۔

سرمSerum کا استعمال
آپ سورج کی UV کرنوں سے تو ضرور باخبر ہوں گی، تاہم ایک اور چیز بھی آپ کی جلد کو متاثر کرسکتی ہے۔ فضائی آلودگی! ہماری فضا بتدریج زیادہ سے زیادہ آلودہ بنتی جارہی ہے۔ فضائی آلودگی کے باعث انسانی جلد پر Free Radicals اثرانداز ہوتے ہیں، جن کے بارے میں تحقیق سے ثابت ہوا ہے کہ وہ جلد کو وقت سے پہلے بوڑھا بنادیتے ہیں۔ صبح میں جلد پر موائسچرائزراپلائی کرنےسے پہلے اینٹی آکسیڈنٹ سیرم استعمال کریں۔ اس سلسلے میں وٹامن سی، ای، Ferulic Acid، سبز چائے وغیرہ کے فارمولاز مؤثر ثابت ہوتے ہیں۔

کافی کا دوسرا کپ
اگر آپ صبح صبح ایک کے بعد کافی کے دوسرے کپ کے متلاشی ہیں تو ایک یہ کام ضرور کریں کہ پانی پینا نہ بھول جائیں۔ اگر زیادہ نہیں تو اتنا پانی ضروری پئیں، جتنی چائے یا کافی لیتی ہیں۔ اس طرح آپ کو پانی کی کمی کا سامنا نہیں رہے گا۔یاد رکھیں، آپ کے جسم میں پانی کی قلت کا مطلب یہ ہے کہ آپ کی جلد وقت سے پہلے عمر رسیدہ ہورہی ہے۔ خشک جلد پر جھریاں اور خول کہیں زیادہ نمایاں نظر آتےہیں۔

جِم جانا
کوشش کریں کہ دن کا آغاز کسی اچھی اور صحت مند مشق سے کریں، جیسے ورزش ، چہل قدمی اور مراقبہ وغیرہ۔۔ صحت مند رہنے کے لیے ورزش سب سے بہترین ہے ۔ ورزش سے چہرے کی Microcirculation بہترہوتی ہے، جس سے جلد موائسچرائز رہتی ہے۔ یہی وجہ ہے کہ آپ نے دیکھا ہوگا کہ ورک آؤٹ کے بعد لوگ اپنی عمر سے چھوٹے نظر آتے ہیں۔ ورزش کے بغیر آپ کی جلد پیلی اور بے رونق معلوم ہوتی ہے۔روزانہ کی ورزش سے جلد کے خلیے جوان رہتے ہیں۔ صبح میں 20منٹ کی ورزش پرُاثر ثابت ہوسکتی ہے۔

فاؤنڈیشن کا استعمال
کئی خواتین اپنے چہرے کی جھریوں اور براؤن اسپاٹس کو چھپانے کے لیے بہت زیادہ فاؤنڈیشن کا استعمال کرتی ہیں اور اس پر پاؤڈر بھی کھل کر چھڑکتی ہیں۔ اگر آپ ایسا کرتی ہیں تو آج ہی اس عادت کو چھوڑ دیں۔ درحقیقت ، فاؤنڈیشن اور پاؤڈر کا جتنا زیادہ استعمال کیا جائے گا، یہ اتنے ہی جھریوں اور براؤن اسپاٹس میں جاکر ضم ہوں گے ۔ نتیجہ، جھریاں اوربراؤن اسپاٹس پہلے سے زیادہ نمایاں نظر آنے لگیں گے۔

صحت مند ناشتہ
دن کا آغازاگر اچھے اور صحت مند ناشتے سے کیا جائے تو پورادن بہت اچھا اور خوشگوار گزرتا ہے ۔بہت زیادہ میٹھا اور چٹ پٹا ناشتہ کرنے سے اجتناب کریں، کیونکہ صبح میں بہت ساری چینی، خون میں انسولین کی انفیوژن کا سبب بنتی ہے اور صحت پر اس کےمنفی اثرات مرتب ہوتے ہیں، جیسے خود کو تھکا ہو ا اور بوجھل محسوس کرنا ۔