ناشتے کیلئے بہترین اسمو تھیز

22 ستمبر ، 2018

شیئر کریں

بلو بیری اسموتھیز
اس سے آپ اپنے ہفتے کا آغاز کرسکتی ہیں یعنی پیر کے دن اسے بنا کر اسے Monday Bluesکا نام دے سکتی ہیں۔ جس کیلئےآپ کو بلینڈ ر میں ڈالنے ہو ں گی۔ سب سے پہلےآدھا کپ بغیر بالائی والا دودھ یعنی اسکم ملک، پھر آدھا کپ ونیلا فلیور والا دہی، نصف چائے کا چمچ ونیلا پائوڈر، ایک چھوٹا کپ بلو بیریز کا ۔ اگرچہ بلو بیریز مہنگی ہوتی ہیں لیکن یہ آپ کی صحت کیلئے بہت بہترین ہیں۔اس میں وٹامن بی ہوتاہے جو آپ کے بالوں کی نشوونما میں بہت مدد کرتاہے۔

ٹینجرین
منگل کی اسموتھیز کو آپ Tangerine Tuesdayکا نام دے سکتی ہیں۔ یہ تھوڑا ٹینگی یعنی ترش ہوتی ہے جو اورنج ، آڑو اور گاجر سے بنتی ہے۔ بلینڈ میں سب سے پہلے نصف کپ اورنج جوس ڈالیں، نصف کپ گریک یوگرٹ، ایک اورنج چھیل کر، ایک کٹا ہوا آڑو، دو عدد اچھی طرح کٹی ہوئی گاجریںڈالیں اور پھر انہیں بلینڈ کرلیں۔ اسموتھیز میں موجود گاجریں آپ کی آنکھوں کیلئے بہترین ہوتی ہیں اور ترش یعنی ٹینگی فوڈ ز میں کیلوریز کم پائی جاتی ہیں۔

روبی ریڈ اسموتھیز
بدھ کے دن بنائی جانے والی اسموتھیز میںتربوز اورچقند ر شامل ہوتے ہیں۔ اس اسموتھیز سے آپ کے بدھ کا دنRejuvenating Wednesday بن سکتاہے ، کیونکہ چقندر فائبر سے بھرپور ہوتا ہے اور اس میں کیلوریز کم ہوتی ہیں۔درج بالاطریقے کے مطابق نصف کپ اسکم ملک، نصف کپ گریک یوگرڈ ، ایک کپ کٹے ہوئے تربوز، ایک سلائس چقند رملا کرانہیں بلینڈ کرلیں۔ چقندر کا ذائقہ چونکہ کوئی اچھا نہیں ہوتا اسی لیے تربوز شامل کرنے سے چقند ر کا ذائقہ دب جاتاہے ، اور آپ کو ایک مزیدار اسموتھی نوش کرنے کو مل جاتی ہے۔

پائن ایپل ، مینگو ، بنانا اسموتھیز
یہ سب اشیاء زرد ہیں اس لئے اس اسموتھیز کو Sunny Saturdayکا نام دیا گیا ہے۔ کیلا چونکہ اسکن کیلئے بہت اچھا ہوتاہے اسی لئے اسے بہت سے بیوٹی پروڈکٹس میں بھی شامل کیا جاتاہے۔ اسے بنانے کیلئے نصف کپ پائن ایپل جوس، نصف کپ گریک یوگرٹ، ایک کپ کٹے ہوئے پائن ایپل یعنی انناس، ایک کپ کٹے ہوئے آم، ایک چھیلا ہو ا کیلا درکا ر ہوگا۔ انہیں بلینڈ کرلیں۔

یہ تو تھیں اسموتھیز کی ریسپیز۔۔۔جنہیں آپ اپنی سہولت سے تیار کرسکتی ہیں، گاڑھی ہوجائیں تو پانی یا آئس کیوبس ملا کر انہیں پتلا کرلیں۔ میٹھی پسند ہوںتو چینی ملا لیں۔ اب رہ گئی بات اتوار یعنی سنڈے کی تو اسے بنالیں فن ڈے اور اسے بھرپور گزاریں۔