X
پاکستان نے ابوظہبی ٹیسٹ میں شاندار کھیل کا مظاہرہ کرتے ہوئے آسٹریلیا کو 373 رنز کے بھاری مارجن سے شکست دے کر میچ اور سیریز ایک صفر سے اپنے نام کرلی۔
ابوظہبی ٹیسٹ میں قومی ٹیم کی پوزیشن پہلے دن سے ہی مستحکم نظر آئی اور محمد عباس کی شانداد بولنگ کی بندولت اس نے آسٹریلیا کو آؤٹ کلاس کردیا۔
پاکستان کی جانب سے محمد عباس نے شاندار باؤلنگ کرتے ہوئے 10وکٹیں لیں اور میچ کے بہترین کھلاڑی قرار پائے جبکہ سیریز میں 17وکٹیں لینے پر انہیں سیریز کے بھی بہترین کھلاڑی کا ایوارڈ دیا گیا۔
گزشتہ روزآسٹریلیا نے پاکستان کی جانب سے جیت کیلئے دیئے گئے 538 رنز کے ہدف کے تعاقب میں ایک وکٹ کے نقصان پر 47 رنز بنائے تھے۔
لیگ اسپنر یاسر شاہ نے 28 رنز پر کھیل رہے مچل اسٹارک اور 3 رنز بنانے والے پیٹر سڈل کی وکٹ حاصل کی۔
واضح رہے کہ گزشتہ روز قومی ٹیم نے 9 وکٹوں کے نقصان پر 400 رنز بنانے کے بعد اننگز ڈکلیئر کر دی تھی جس کے بعد آسٹریلیا کو جیت کے لیے 538 رنز کا ہدف دیا۔
ٹیسٹ کی پہلی اننگ میں پاکستان نے فخر زمان اور سرفراز احمد کے 94، 94 رنز کی اننگز کی بدولت 282 رنز بنائے تھے جس کے جواب میں آسٹریلین ٹیم اپنی پہلی اننگز میں 145 رنز پر آؤٹ ہو گئی تھی اور اس طرح ان کا پہلی اننگز کا خسارہ 137 ہو گیا تھا۔
Copyright © 2019. Jang Group of Newspapers All rights reserved.
رابطہ کریں 
