X
صدر مملکت ڈاکٹر عارف علوی نے کراچی میں 11 سال سے بند لوکل ٹرین کا افتتاح کردیا جس کے ذریعے روزانہ ہزاروں افراد سفری سہولتیں حاصل کرسکیں گے۔
کراچی سٹی اسٹیشن سے دھابیجی تک چلنے والی ٹرین کی افتتاحی تقریب سٹی اسٹیشن پر منعقد ہوئی جہاں وزیر ریلوے شیخ رشید سمیت ریلوے کے افسران شریک تھے۔
صدر مملکت ڈاکٹر عارف علوی نے ربن کاٹ کر دھابیجی ٹرین کا افتتاح کیا۔
حکام کے مطابق کراچی سٹی اسٹیشن سے دھابیجی کے لیے لوکل ٹرین صبح 7 بجے اور شام پونے 6 بجے روانہ ہوگی جبکہ دھابیجی سے کراچی سٹی کے لیے صبح 6 بجے اور شام 5 بجے ٹرین روانہ ہوگی۔
یہ ٹرینیں ڈرگ روڈ، ڈرگ کالونی، ملیر سٹی، لانڈھی اور بن قاسم اسٹیشنوں پر رکیں گی۔
ٹرین کا روٹ 65 کلومیٹر پر محیط ہوگا جس کا کم از کم ٹکٹ 25 روپے اور زیادہ سے زیادہ 80 روپے ہوگا۔
ٹرین جمعرات یکم نومبر کو عوام کے لیے مفت چلائی جائے گی۔
Contact Us
Copyright © 2019. Jang Group of Newspapers All rights reserved.
