X
شیئر کریں
کراچی آرٹس کونسل میں چار روزہ اردو کانفرنس پوری رعنائیوں کیساتھ جاری رہنے کے بعد اختتام پذیر۔
گیارہویں اردو کانفرنس میں اردو کی ترویج کیساتھ معلوماتی ،ادبی سیشن بھی ہوئے اورطنزو مزاح کا دور بھی رہا جبکہ موسیقی اور رقص کی محفل نے لوگوں کے دل موہ لیے ۔
آرٹس کونسل کراچی میں گیارہویں اردو کانفرنس پوری آب وتاب سے جاری رہی ،علم وادب سے پیار کرنے کرنے والوں نے کانفرنس سے بھر پور استفادہ کیا ۔
بچوں کے ادب کے حوالے سے بھی کانفرنس میں ایک خصوصی نشست ہوئی جس میں بچوں کے لیے کہانیاں لکھنے والے مختلف ادیبوں نے بھی شرکت کی ۔
عالمی اردو کانفرنس میں پاکستان، بھارت متحدہ عرب امارات اور دیگر ممالک کے مندوبین کی بڑی تعداد نے شرکت کی جبکہ کانفرنس میں اردو شاعری، ادب، تھیٹر، فلم، ڈرامہ، رقص پر نشستیں بھی ہوئیں ۔
مشاعرے میں ملک کے نامور شعراء نے اپنا کلام سناکر شرکاء سے خوب داد سمیٹی ۔
چار روزہ اردو کانفرنس میں معیاری تعلیم سب کے لئے، تراجم اور دنیا سے رابطہ،یادگار رفتگاں، پاکستانی فلم ،ماضی حال مستقبل سمیت دیگر موضوعات کو بھی زیربحث لایا گیا۔
دنیا کے کئی ممالک سے فلسفی، محققین، ادیب،شاعروں اور فنکاروں نے اس کانفرنس میں شرکت کرکے علم وادب کی اس محفل کو چار چاند لگا دیئے۔
Contact Us
Copyright © 2021. Jang Group of Newspapers All rights reserved.
