تھری ڈی فلم دی لیجنڈ آف ٹارزن کالاس اینجلس میں پریمیئر

لاس اینجلس(مانیٹرنگ ڈیسک)ہولی وڈ کی تھرل اور ایڈونچر سے بھرپور نئی تھری ڈی فلم 'دی لیجنڈ آف ٹارزن 'کا لاس اینجلس میں رنگا رنگ پریمیئر منعقد کیا گیا جس میں فلمی ستاروں نے ریڈ کارپٹ پر جلوۂ گر ہو کر تقریب کو چار چاند لگا دئیے۔ڈیوڈ یاٹس کی ہدایتکاری میں بننے والی اس سنسنی خیز فلم کی کہانی ایک ایسے ٹارزن کے گِرد گھوم رہی ہے جو جنگل چھوڑ کر لندن کا رُخ کرلیتا ہے تاہم جنگل میں جرائم پیشہ گروہ کی سرگرمیوں کی وجہ سے ٹارزن کو لندن چھوڑ کر واپس جنگل میں آنا پڑتا ہے اورٹارزن اوراسکے جنگلی جانور دوست مل کر دشمن کا مقابلہ کرتے ہیں۔ ڈیوڈ بیرون ، ایلن ریچی اور مائیک رچرڈسن کی مشترکہ پروڈکشن میں بننے والی اس فلم میں مرکزی کردار ہولی وڈ اداکار الیگزینڈر سکرزگرڈنبھا رہے ہیں جبکہ فلم کی دیگر کاسٹ میں مارگٹ روبی، کرسٹوف والٹز، سیموئل جیکسن، کیسپر کرمپ اور ایلا پرنل شامل ہیں۔180ملین ڈالر بجٹ لاگت سے مکمل ہونیوالی اس ایڈونچر تھرل کو وارنر بروس پکچرز کے تحت رواں سال یکم جولائی کو سینما گھروں میں نمائش کیلئے پیش کر دیا جائیگا۔