| |
Home Page
منگل یکم ذیقعدہ 1438ھ 25 جولائی 2017ء
June 30, 2016 | 12:00 am
کچھ توجہ ادھر بھی

Todays Print

ابو الحسن اصفہانی روڈ سے متصل گلزار ہجری کی داخلی سڑک پر گٹر ابلنے اور سیویج لائن کے بہنے سے گندا اور بدبو دار پانی تالاب اور جھیل کی شکل میں کھڑا ہے اس سڑک سے سینکڑوں گاڑیاں گزرتے ہوئے پانی کے چھینٹے اڑاتی ہیں جو پیدل چلنے والوں کے کپڑوں کو خراب کرتی ہیں۔ محکمےکو اس صورتحال کا علم ہے۔ عارضی اہتمام کے ذریعے سیوریج لائن کھول دی جاتی ہے لیکن ایک دو دن کے بعد دوبارہ سیورج لائن بہنا اور گٹر ابلنا شروع ہو جاتا ہے اور پھر سڑک پر پانی جمع ہو جاتا ہے ۔ سڑک پر مسلسل گٹر کا پانی ہونے کی وجہ سے سڑک ٹوٹنے کے ساتھ علاقے میں مہلک ترین وبائی امراض پھیلنے کا خطرہ ہر لمحہ موجود ہے۔ حکومت سندھ سے اپیل ہے کہ وہ اس مقام پر نئی سیوریج لائن ڈالے اور بڑے مین ہول تعمیر کرنے کےاحکامات جاری کرے۔ توقع ہے کہ اس مسئلے کو جلد حل کیا جائے گا۔(صغیر علی صدیقی۔ کراچی)