اسلام آباد (مانیٹرنگ سیل)پاکستان کے بیرونی قرضے تاریخ کی بلند ترین سطح پر پہنچ گئے۔ اسٹیٹ بینک کا کہنا ہے کہ جو لائی میں پاکستان کے ذمے بین الاقوامی قرضوں کا حجم 72ارب98کروڑ ڈالر (74کھرب روپے سے زائد)ہو گیا ہے۔ اسٹیٹ بینک کا کہنا ہے کہ جولائی 2013میں یہ قر ضے 61ارب 40کروڑ ڈالرز (64 کھرب 47 ارب روپے) تھے جو جولائی2014میں بڑھ کر 65ارب 40کروڑ ڈالرز (68 کھرب 67 ارب روپے)پر پہنچ گئے۔انہوں نے بتا یا کہ جولائی 2015میں یہی قرضہ بڑھ کر 66ارب 40کروڑ ڈالرہو گیا۔ جولائی 2013 سے اس سال جولائی تک 11 ارب ڈالر سے زائد کا اضافہ ہوا۔