منشیات کا استعمال

میں روزنامہ جنگ کے توسط سے عرض کرنا چاہتی ہوں کہ آج کل بعض بچوں نے سگریٹ نوشی فیشن کے طور پر شروع کردی ہے یہ نہ جانتے ہوئے بھی کہ سگریٹ نوشی ان کے پھیپھڑوں اور پورے جسم کیلئے کتنی نقصان دہ ہے۔سگریٹ نوشی پھیپھڑوں کو وقت گزرنے کے ساتھ ساتھ خراب کرتی ہے جو آگے چل کر سینے کا انفیکشن یا پھیپھڑوں کے کینسر کا سبب بنتا ہے۔ سگریٹ کی قیمتیں بڑھتی جا رہی ہیں لیکن آج بھی سگریٹ اتنی ہی مقدار میں فروخت ہورہی ہے۔ ماں باپ کو چاہئے کہ جب ان کے بچے باہر جائیں تو وہ اس بات کا خیال رکھیں کہ ان کے بچے سگریت نوشی تو نہیں کر رہے۔میں وزارت صحت کے حکام سے بھی درخواست کرونگی کہ وہ لوگوں کو اس عادت کو چھوڑنے کے مشورے اور طریقے بتائے تاکہ انہیں اس لعنت سے نجات حاصل ہو۔
(نبا وسیم۔ کراچی)

.