گھارو،انسداد پولیو کےحوالے سے شہر میں محکمہ صحت کی جانب سے ریلی کا اہتمام

گھارو (نامہ نگار) انسداد پولیو کےحوالے سے گھارو شہر میں محکمہ صحت کی جانب سے ایک ریلی  کا اہتمام کیا گیا اسسٹنٹ کمشنر میرپورساکرو ایٹ گھارو کے آفس سے نکالی جانے والی ریلی کی قیادت گھارو ٹاون کمیٹی کے چیرمین عثمان کھنبار اور گھارو ہیلتھ سینٹر کے ایم ایس ڈاکٹر سرور شیخ کر رہے تھے ریلی میں مقامی کونسلروں طلبا اور شہریوں کی بڑی تعداد نے شرکت کی جبکہ ریلی کے شرکا نے ہاتھوں میں پلے کارڈ اور بینر اٹھا رکھے تھے جن پر قطرے پلاو پولیو بھگاو اور دیگر نعرے درج تھے ریلی سے خطاب کرتے ہوئے ڈاکٹر سرور شیخ ڈاکٹر سلطان شیخ ڈاکٹر غلام مرتضی شاہ اسماعیل جتوئی اور دیگر نے خطاب کرتے ہوئے کہا کہ پولیو ایسا مرض ہے جس سے پہلے ہی احتیاطی تدابیر کر کے بچا جا سکتا ہے اور اس ریلی کا مقصد عوام میں پولیو کے حوالے سے شعور بیدار کر نا ہے۔