الخدمت فاؤنڈیشن کے تحت ہنر مندوں میں بلا سود قرضے تقسیم

کراچی (اسٹاف رپورٹر) الخدمت فاؤنڈیشن نے مواخات پر وگرام کے تحت 25 ہنر مند خواتین و حضرات میں 4لاکھ 60 ہزار کے بلا سود قرضے کے چیکس تقسیم کر دیئے ،خصوصی تقریب میں چیکس الخدمت فاؤنڈیشن پاکستان کے اسسٹنٹ سیکر یٹری احمد جمیل راشد، الخدمت وومن ونگ کی پروفیسر نائلہ اشرف ،پروفیسر نجم السحرنے تقسیم کیے۔ الخدمت کراچی کے جاری کردہ اعلامیے کے مطابق اس موقع پر احمد جمیل راشد نے اپنے خطاب میں کہا کہ الخدمت فاؤنڈیشن ہنر مند افراد کوان کے پیروں پر کھڑا کرنا چاہتی ہے ،اسی لیے ہنر مند افراد کو بلا سود قرضے فراہم کیے جا رہے ہیں ،انہوں نے مہنگا ئی کی وجہ کمزور طبقہ مشکلات کا شکار ہے ،آج غریب کیلئے دو وقت کی روٹی کا حصول مشکل ہو چکا ہے ۔