مظفرآباد(نامہ نگار)ماہ ربیع الاول میں فرقہ واریت کے خاتمہ کے لئے اقدامات کیے جائیں ، اسلام ہمیں امن و آتشی کی تعلیم دیتا ہے ، ربیع الاول میں امن و امان کے لئے انتظامیہ اپنا کردار ادا کرے۔ ان خیالات کا اظہار مرکزی سیرت مصطفیﷺ کمیٹی آزادکشمیر کے ترجمان علامہ قاضی عبدالحفیظ نقشبندی نے کیا۔ انہوں نے کہا کہ چیف سیکرٹری، کمشنر، ڈپٹی کمشنر اور پولیس افسران 1985ء کے منظور شدہ ضابطہ اخلاق پر عمل کرائیں کہ ایک مکتبہ فکر کی مسجد میں دوسرا کوئی دخل اندازی نہیں کرے گا۔ انہوں نے کہا کہ بعض سرکاری ملازمین ربیع الاول میں اپنے عہدے کا ناجائز فائدہ اٹھاتے ہوئے مساجد میں دخل اندازی کرتے ہیں ایسے سرکاری ملازمین کے خلاف راست اقدام اٹھایا جائے ۔