بھمبر(نمائندہ خصوصی)ڈسٹرکٹ ہیڈ کوارٹر ہسپتال میں کارڈ یالوجی سنٹر وقت کا تقاضا ہے وفاقی حکومت بھمبر کے لوگوں سے کئے گئے وعدے کو عملی جامہ پہنائے، ان خیالات کااظہار سیاسی و سماجی کارکن سجاد مرزا نے ایک بیان میں کیا ، انہوں نے کہا پچھلے ایک ماہ میں بھمبر میں درجن بھر اموات ہارٹ اٹیک سے ہوئی ہیں،مسلم لیگ ن کے مرکزی وزراء نے بھمبر میں عوام سے کہا تھا کہ کارڈیالوجی سنٹر منظور ہو چکا ہے جس کو وفاقی حکومت کے فنڈز سے بنایا جائے گا ، انہوں نے سنیئر وزیر چوہدری طارق فاروق سے مطالبہ کیا ہے کہ وہ اپنے وعدے کو عملی جامہ پہنانے کے لیے اس پراجیکٹ پر کام شروع کروائیں۔