آسٹریلین اوپن کیلئے ذہنی طور پر تیار ہوں،اینڈی مرے

لندن( اے ایف پی)برطانوی ٹینس پلیئر اینڈی مرے نے کہا ہے کہ آسٹریلین اوپن کیلئے ذہنی طور پر تیار ہوں ۔ عالمی نمبر ایک مرےکا میڈیا سے گفتگو کرتے ہوئے کہنا تھا کہ آسٹریلین اوپن کے حوالے سے ذہن بالکل تیار ہے ۔ ذہن میں کسی قسم کی کوئی رکاوٹ نہیں ۔ آسٹریلین اوپن میں جیت کیلئے پر عزم ہوں۔ 29 سالہ مرے نے مزید کہا کہ 2016 میں ملنے والے اعزازت کا دفاع کروں گا ۔ ان فتوحات پر مجھے کئی لوگوں نے  مبارکباد دی مگر اسپورٹس کی دو بڑی شخصیات ا ایلکس فرگوسن اور جوز مرینو کی مبارکباد نے مجھے بہت حوصلہ دیا ۔ واضح رہے کہ اینڈی مرے کا سال کا آغاز اتنا اچھا نہیں رہا ۔ انہیں گزشتہ دنوں قطر اوپن میں جوکوچ کے ہاتھوں شکست ہوئی تھی۔