جامعہ کراچی ، ایوننگ پروگرام کی داخلہ فہرستیں جاری کردی گئیں

کراچی(اسٹاف رپورٹر)جامعہ کراچی کے ڈائریکٹر ایڈمیشنز پروفیسر ڈاکٹر خالدعراقی کے مطابق ایوننگ پروگرام کی داخلہ فہرستیں جاری کردی گئیں ہیں۔ ایسے طلبہ جن کے نام جاری کردہ داخلہ فہرستوں میں آ چکے ہیں وہ اپنی داخلہ فیس 19 جنوری تک جامعہ کراچی کے جمنازیم ہال نزد پوسٹ آفس میں دوپہر3:00 تاشام 7:00بجے تک جمع کراسکتے ہیں ایسے طلبا و طالبات جو جاری کردہ داخلہ فہرست سے مطمئن نہیں ہیں وہ بھی 19جنوری تک 500/=روپے کے عوض کلیم فارم یوبی ایل بینک کیمپس برانچ سے حاصل / جمع کراسکتے ہیں۔ طلبہ کو ہدایت کی جاتی ہے کہ وہ کلیم فارم جامعہ کراچی کے جاری کردہ کلوزنگ پرسنٹیج اور ٹیسٹ اسکور کو مدنظررکھتے ہوئے جمع کرائیں۔ علاوہ ازیں ڈونرز نشستوں پر داخلے کیلئے فارم 20جنوری تک جمع کرائے جاسکتے ہیں۔داخلہ فارم جامعہ کراچی کے سلورجوبلی گیٹ پر واقع یوبی ایل بینک کائونٹر سے 2200/= روپے کے عوض صبح 9:30تاشام 4:00 بجے تک حاصل کرکے داخلہ کمیٹی کے دفتر میں جمع کرائے جاسکتے ہیں۔