• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ن لیگی چیئرمین کےبھتیجےکی شادی پر بےتحاشہ پیسہ بہانےکی تحقیقات شروع

آج کا اخبار
ملک بھر سے
20 مارچ ، 2017
راولپنڈی(مانیٹرنگ ڈیسک)مسلم لیگ (ن) کے  چیئر مین کے بھتیجے کو مہنگی ترین شادی کرنا مہنگی پڑ گئی اور انٹیلی جنس اور لینڈ ریونیو کی انکوائری ٹیموں نے شادی میں پانی کی طرح پیسہ بہانے کی تحقیقات شروع کر دی ہیں۔تفصیلات کے مطابق ملتان کے علاقے اشرف آباد میں حکومتی جماعت کے یونین کونسل چئیرمین شیخ ندیم اکبر کے بھتیجے شادی پر پیسہ پانی کی طرح بہانا، شیر کے پنجرے پر دولہے کی کرسی رکھ کر بارات لے جانا، دولہے کا سونے کا سہرا اور شیروانی میں سونے کے تار جب کہ  لڑکی والوں کی جانب سے دولہے کی بھائیوں کو موٹر سائیکلیں، مہنگی گاڑی، درجنوں سونے کی انگوٹھیاں اور 5 کروڑ کا جہیز انٹیلی جنس اینڈ انوسٹی گیشن اوران لینڈ ریونیو کی نیندیں حرام ہو گئی ہیں۔ڈائریکٹر آئی اینڈ آئی ان لینڈ ریونیو یاسر علی خان کی زیر نگرانی اعلیٰ سطحی تحقیقاتی ٹیم نےملتان میں ہونے والی مہنگی ترین شادی کی تحقیقات شروع کردی ہے اور روزانہ کی بنیاد پر رپورٹ اعلیٰ حکام کو بھجوائی جا رہی ہے۔ ٹیکس حکام نے دولہا عرفان شیخ کے والد اصغر شیخ اور دلہن کے بھائی ناصر پہلوان کے بینک اکاؤنٹس کی تفصیلات طلب کرلی ہیں  جب کہ دونوں اطراف کی جائیداد، کاروبار، آمدنی کے ذرائع، منقولہ و غیر منقولہ سکنی و زرعی جائیداد کی تحقیقات بھی شروع کر دی گئی ہیں۔
تازہ ترین