کراچی (اسٹاف رپورٹر)سندھ ہائیکورٹ نے مردم شماری فارم میں سکھ برادری کا نام شامل نہ کیے جانے کے خلاف دائر درخواست پر محکمہ شماریات سمیت دیگر مدعا علہیان کو نوٹس جاری کردیے ہیں ۔منگل کو جسٹس منیب اختر کی سر براہی میں 2رکنی بنچ نے مردم شماری فارم میں سکھ برادری کا نام شامل نہ کیے جانے کے خلاف سردار ہیرا سنگھ کی جانب سے دائر درخواست کی سماعت کی۔ درخواست گزار نے اپنے وکیل کے توسط سے دائر کردہ آئینی درخواست میں موقف اختیار کیا ہے کہ پاکستان میں ایک لاکھ سے زائد سکھ آباد ہے اور مردم شماری میں دیگر مذاہب اور کمیونٹی کا نام شامل ہے لیکن مردم شماری فارم میں سکھ برادری کا نام کا کالم شامل نہیں ہے اور اس سے پاکستان کی سالمیت کیلئے خطرہ ہوسکتا ہے، لہٰذا استدعا ہے کہ مردم شماری فارم میں سکھوں کیلئے کالم شامل کرنے کا حکم دیا جائے۔
فرمان الہی
نماز کے اوقات
