ایڈمٹ کارڈز کے حصول کیلئے امیدواروں کا رش ،طلبہ کی انٹربورڈلان میں تیاری

کراچی(اسٹاف رپورٹر) انٹر بورڈ کراچی میںجمعرات کو ایڈمٹ کارڈز کے حصول کے لئے امیدواروں کا رش لگا رہا، کئی طلبہ نے شکایت کی کہ انہیں ایڈمٹ کارڈ نہیں مل پایا ہے، رات گئے تک درجنوں طلبہ ایڈمٹ کارڈ کے حصول کے لئے بیٹھے رہے طلبہ کا کہنا تھا کہ وہ پرچے کی تیاری بھی بورڈ کے لان میں کررہے ہیں کیوں کہ انہیں ایڈمٹ کارڈ نہیں ملا ہے اور خدشہ ہے کہ اگر وہ گھر گئے اور ایڈمٹ کارڈ نہ ملا تو ان کا سال ضائع ہوجائے گا۔