کراچی،27ہزار پولیس اہلکاروں کیلئے صرف 7ہزار بلٹ پروف جیکٹس

کراچی (اسٹاف رپورٹر) شہر قائد میں جہاں پولیس اہلکار دہشت گردوں کے نشانے پر ہیں، وہیں اہلکاروں کے حفاظتی انتظامات انتہائی ناقص ہیں جس کا اندازہ صرف اس بات سے لگایا جاسکتا ہے  شہر میں موجود 27 ہزار اہلکاروں کے لیے صرف 7ہزار بلٹ پروف جیکٹس موجود ہیں۔  حفاظتی انتظامات کی واضح کمی کا اعتراف کرنے کے بعد ایڈیشنل آئی جی نے شہید اہلکاروں پر ہی غفلت کا الزام دہردیا۔ مشتاق مہر نے پولیس کو سافٹ ٹارگٹ قرار دے دیا جس سے معلوم ہوتا ہے کہ دہشت گردی کے واقعات کے بعد بہتر حفاظتی انتظامات کے دعوے تو کئے جاتے ہیں لیکن ان پر عملدرآمد ہوتا نظر نہیں آتا۔