پشاور ایئر پورٹ، 4لاکھ ریال کی سعودی عرب اسمگلنگ ناکام ، ملزم گرفتار

پشاور (نمائندہ جنگ)کسٹم عملے نے پشاور باچاخان ایئر پورٹ پر 4لاکھ سعودی ریال سعودی عرب لے جانے کی کوشش ناکام بنا دی ہے، کاروائی میں ایک ملزم کو گرفتار کرکے اُن کے خلاف مقدمہ درج کر لیا گیا ہے جبکہ مزید تفتیش بھی شروع کر دی ہے ، تحصیل مٹہ سوات سے تعلق رکھنے والا محمد زادہ ولد گلاب خان گزشتہ روز پشاور باچا خان ایئر پورٹ سے نجی ایئر لائن کی پرواز721 سے سعودی عرب   جدہ جا رہا تھا کسٹم عملے نے جب  بیگ کی تلاشی لی تو  اس کے خفیہ خانوں سے لاکھوں ریال برآمد ہوئے جس پر کسٹم عملے نے ریال اپنے قبضے میں لے لئے، مارکیٹ میں ان ریال کی قیمت1کروڑ10لاکھ بتائی جاتی ہے ،کسٹم حکام نے ملزم کو گرفتار کرکے مقدمہ درج کر لیا ہے اور کیس کی مزید تفتیش بھی شروع کر دی ہے۔