کراچی (اسٹاف رپورٹر) حادثات و واقعات میں4 افراد جاں بحق جبکہ ایک زخمی ہو گیا۔تفصیلات کے مطابق عبداللہ شاہ غازی مزار کے قریب زیر تعمیر عمارت کی چھت سے گر کر مزدور 28سالہ واحد بخش ہلاک ہو گیا،۔ڈاکس تھانے کی حدود منوڑہ میں سمندرمیں نہاتے ہوئے55سالہ مستقیم ولد عبدالرحمٰن ڈوب کر جاں بحق ہو گیا،واقعہ کی اطلاع پر ریکسیو رضاکار موقع پر پہنچے اور اسکی لاش کو نکال کر اسپتال منتقل کیا،متوفی پی آئی بی کالونی کا رہائشی اور پکنک منانے کے لیے آیا تھا۔سائٹ سپر ہائی وے جوکھیو گوٹھ میں ہفتہ اور اتوار کی درمیانی شب نامعلوم گاڑی کی ٹکر سے ایک شخص جاں بحق جبکہ ایک زخمی ہو گیا۔پولیس کے مطابق دونوں افراد کی شناخت نہیں ہو سکی۔ اسٹار گیٹ مون آرکیڈ سے 70سالہ محمد اعظم کی لاش ملی جسے پولیس نے بتایا کہ متوفی مون آرکیڈ کے ہی رہائشی تھے لفٹ سے گر کر جاں بحق ہو گئے، اتوار کو بلڈنگ کی لفٹ کے نیچے سے انکی لاش ملی۔
فرمان الہی
نماز کے اوقات
