کراچی (نیوز ڈیسک) پاکستان مسلم لیگ فنکشنل سندھ کے صدر پیر صدرالدین شاہ راشدی نے کریم بخش شیخ کو فنکشنل لیگ سندھ کا سیکرٹری اطلاعات نامزد کردیا ہے ۔ کریم بخش شیخ انفارمیشن کے شعبے میں وسیع تجربہ رکھتے ہیں ۔ انہیں صحافت اور ادب سے گہرا لگاؤ ہے اور وہ حکومت سندھ کے مختلف شعبوں میں ایڈیشنل سیکرٹری کے عہدے پر فرائض انجام دے چکے ہیں ۔ انہوں نے این ای ڈی یونیورسٹی سے انجینئرنگ کی ڈگری حاصل کی اور فنکشنل لیگ کے طلبہ ونگ سے وابستہ رہے ۔ فنکشنل لیگ کی قیادت نے ان پر اعتماد کرتے ہوئے انہیں سیکرٹری اطلاعات نامزد کیا ہے ۔