لاہور (نمائندہ جنگ) انٹرنیشنل کرکٹ کونسل کی سکیورٹی ٹیم دو روزہ دورے پر 26 اگست بروز ہفتہ کولاہور پہنچے گی ۔ سکیورٹی ٹیم دورے کے دوران اسٹیڈیم ، اس میں موجود سہولیات ، ہوٹل اور آنے جانے والے راستوں کا جائزہ لے گی۔ ٹیم کی رپورٹ کے بعد ورلڈالیون کے کھلاڑیوں کا اعلان کیا جائے گا ۔ بین الاقومی کھلاڑیوں میں ہاشم آملہ، عمران طاہر، ڈیرن سیمی ، معین علی اور برینڈن مک کولم کے بھی پاکستان آنے کے امکانات ہیں۔