مقامی مارکیٹ میں روئی کے بھاؤ میں استحکام

کراچی(اسٹاف رپورٹر)مقامی کاٹن مارکیٹ میں منگل کوروئی کے آفیشل اسپاٹ ریٹس میں استحکام رہا۔ کراچی کاٹن ایسوسی ایشن سے جاری کردہ اعداد و شمار کے مطابق روئی کی فصل 2017-18ء کے آفیشل اسپاٹ ریٹس برائے 37.324 کلو گرام کے نرخ گذشتہ کاروباری روز کے بھاؤ 6 ہزار 100 روپے اور 40 کلوگرام کے ریٹس 6 ہزار 537 روپے پر برقرار رہے۔ اسی طرح 37.324 کلوگرام کے بھاؤ 145 روپے اندرون ملک اخراجات کے ساتھ 6 ہزار 245 روپے اور 40 کلوگرام کے ریٹس 155 روپے اندرون ملک اخراجات کے ساتھ 6 ہزار 692 روپے پر بند ہوئے۔