دیوالی،شاہ رخ خان اور رنبیر کپور کا گانے’بولے چوڑیاں‘پر رقص

ممبئی ( مانیٹرنگ ڈیسک) بولی وڈ فلم انڈسٹری کے فنکار ایک جگہ جمع ہوجائیں تو اپنی نٹ کھٹ شرارتوں اور شاندار پرفارمنسز کے باعث تقریب کو چار چاند لگادیتے ہیں۔ایسا ہی منظر دیکھا گیا دیوالی کے موقع پر جب دیوالی پارٹی میں شاہ رخ خان اور رنبیر کپور کے ڈانس نے نا صرف تقریب میں دھمال ڈال دیا بلکہ سوشل میڈیا پر بھی دھوم مچادی ہے۔جی ہاں،حال ہی ہونے والی ایک دیوالی پارٹی میں شاہ رخ خان سمیت کئی فلمی ستاروں نے شرکت کی جہاں شاہ ر خ خان اور رنبیر کپور نے مشہور بولی وڈ گانے ’بولے چوڑیاں‘پر رقص کرکے سماں باندھ دیا۔ یہ دلچسپ ویڈیو جہاں سوشل میڈیا پر خوب دھوم مچا رہی ہے وہیں شائقین بھی اسے دیکھ کر خوب لطف اندوز ہوتے نظر آرہے ہیں۔