ممبئی (ایجنسیاں)بولی وڈ اداکارہ ہ زائرہ وسیم اس وقت اپنے آپ کو فل ٹائم اداکارہ تصور نہیں کرتیں۔زائرہ وسیم کو ان کی ڈیبیو فلم ’دنگل‘ اور اب دوسری فلم ’سیکرٹ سْپر اسٹار‘ دونوں کے لیے ہی تجزیہ کاروں کا مثبت ردعمل ملا، اس کے باوجود انہوں نے اداکاری کو اپنا کیریئر بنانے کے حوالے سے اب تک نہیں سوچا ہے۔ہندوستان ٹائمز کی ایک رپورٹ کے مطابق کشمیر میں پیدا ہونے والی زائرہ وسیم کا کہنا ہے کہ وہ بولی وڈ فلموں کو دیکھتے ہوئے بڑی نہیں ہوئیں اور نہ ہی وہ اداکارہ بننے کی خواہشمند تھیں۔16 سالہ زائرہ کا کہنا تھاکہ ’مجھے ابھی تک معلوم نہیں کہ میں اپنے مستقبل میں ایک فل ٹائم اداکارہ بنوں گی یا نہیں، لیکن جب بھی میں اداکاری کرتی ہوں، میں کوشش کرتی ہوں کہ اپنا بہترین کام کروں، میری دونوں فلموں کی کہانی نہایت بہترین تھی۔اپنی فلم ’دنگل‘ کے آڈیشنز کے وقت کو یاد کرتے ہوئے اداکارہ نے بتایا، ’میں یہ سوچ کر بالکل نہیں گئی تھی کہ مجھے منتخب کرلیا جائے گا، میں خوش قسمت تھی کہ مجھے منتخب کیا گیا، پھر عامر خان کے ساتھ دو مرتبہ کام کیا یقیناً میں خوش نصیب ہوں۔عامر خان نے ’دنگل‘ اور ’سیکرٹ سپر اسٹار‘ دونوں ہی فلموں میں اہم کردار ادا کیا، تاہم زائرہ کے مطابق ’عامر خان نے ہمیشہ یہی کوشش کی کہ ان کے کام کی وجہ سے میرا کام چھپ نہ جائے۔انہوں نے مزید بتایا کہ سب نے میرے کام کی تعریف کی اور مجھے بیحد پیار دیا ہے۔
فرمان الہی
نماز کے اوقات
