پیپلزپارٹی بڑی طاقت ،آئندہ حکومت ہماری ہوگی ،آصف زرداری

 اسلام آباد (وقائع نگار) پیپلز پارٹی پارلیمنٹرین کے صدر اور سابق صدر آصف علی زرداری نے کہا ہے کہ پریڈ گرائونڈ اسلام آباد کے تاریخی جلسے نے ثابت کر دیا ہے کہ پیپلزپارٹی کل کی طرح آج بھی ملک کی بڑی طاقت ہے۔پیپلزپارٹی بڑی طاقت ،آئندہ حکومت ہماری ہوگی،اب دنیا دیکھے گی پیپلز پارٹی کا ہر جلسہ تاریخی ہوگا، پارٹی کے جیالوں کا جوش و خروش یہ پیغام دے رہا ہے کہ آئندہ حکومت پیپلزپارٹی کی ہوگی،پیپلزپارٹی خیبر پختونخوا کے صدر ہمایوں خان کی قیادت میں ملاقات کرنے والے وفد نے آصف زرداری کو تاریخی جلسہ پر مبارکباد دی، وفد سے گفتگوکرتے ہوئے آصف زرداری نے کہا کہ پیپلزپارٹی ہر طبقے کی پارٹی ہے اور اس کی ترجیح غربت کی لکیر سے نیچے زندگی گزارنے والے انسانوں کی زندگی میں خوشحالی لانا ہے، انہوں نے کہا کہ اب دنیا دیکھے گی کہ پیپلز پارٹی کا ہر جلسہ تاریخی ہوگا۔