کراچی (نیوز ڈیسک) چین کے سرکاری ذرائع کے مطا بق ملک کے 8؍ شمالی شہر اکتوبر اور نومبر میں مقرر کردہ فضائی معیار کے اہداف پر پورا اترنےمیں ناکام رہے ہیں۔ اگرچہ موسمِ سرما کےدوران مقامی حکومتوں نے بڑھتی فضائی آلودگی پرقابو پانے کے لئے اقدامات کئے تھے۔ وزارتِ ماحولیاتی تحفظ (ایم ای پی) کا کہنا ہے کہ ان دو ماہ کے دوران چین کے 28 شہروں کی فضا میں سانس کے لئے مضر ذرات کا تناسب تقریباً8.8 فیصد رہا ہے جسے کم کرنے کی ضرورت ہے۔ اس سلسلےمیں چین کی حکومت نے آلودگی کے خلاف مہم شروع کی تھی اور گھریلو صارفین کو کوئلے سے چلنے والے آلات کو گیس یا بجلی میں تبدیل کرنے کا حکم دیا تھا۔حکومت نےاقدامات کرتے ہوئے 44,000 کوئلے سے چلنے والےصنعتی بوائلرز کو ختم کردیا تھا۔ لیکن اس اقدام کی وجہ سے ہونے والی گیس کی قلت کے باعث اب اس پرعملدرآمد ممکن نہیں لگ رہا اور یہ پابندی ختم کی جا سکتی ہے۔ ایم ای پی کے مطابق سرد موسم کی وجہ سے آلودگی کے خلا ف مہم میں آئندہ 3؍ ماہ اہم ہوں گے۔
فرمان الہی
نماز کے اوقات
