• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خون

مبشر علی زیدی
آج کا اخبار
ادارتی صفحہ
12 جنوری ، 2018

مزدور کے بیٹے کو چوہدری کے بیٹے نے مار ڈالا۔
مزدور نے پنچایت میں استغاثہ بلند کیا۔
سرپنچ نے مزدور کو سمجھایا،
’’بیٹا واپس نہیں آسکتا۔
چوہدری کے بیٹے کو کون سزا دے؟
میں تجھے خوں بہا کے اچھے پیسے دلوا دیتا ہوں۔
نہیں تو چوہدری تیرے دوسرے بیٹے کو بھی نہیں چھوڑے گا۔‘‘
مزدور گھبرا کر راضی ہو گیا۔
چھ ماہ بعد چوہدری کے بیٹے نے گوالے کے بیٹے کی جان لے لی۔
سر پنچ نے گوالے کو سمجھایا۔
گوالا رو دھو کے چپ ہوگیا۔
چھ ماہ بعد چوہدری کے بیٹے نے سرپنچ کے بیٹے کو مار ڈالا۔

تازہ ترین