| |
Home Page
پیر2 ؍ جمادی الثانی 1439ھ 19؍ فروری 2018ء
مبشر علی زیدی
February 10, 2018 | 12:00 am
تکلیف

Agony Suffering Pain

’’بہت سے لوگ ملالہ کے خلاف کیوں ہیں؟‘‘
میں نے پوچھا۔
’’لوگ تو کسی کے بھی خلاف ہو جاتے ہیں۔‘‘
ڈوڈو مسکرایا۔
’’بے نظیر کو اچھے الفاظ میں یاد کیا جاتا ہے۔‘‘
میں نے مثال پیش کی۔
’’بے نظیر عظیم خاتون تھیں۔‘‘
ڈوڈو نے تائید کی۔
’’صحافیوں کی مثال لو۔
ولی بابر کی سب تعریف کرتے ہیں۔‘‘
’’ہمارا ولی تھا ہی ہیرو۔‘‘
’’سلیم شہزاد کو سب بہادر کہتے ہیں۔‘‘
’’سلیم شہزاد تھے بھی بہادر۔‘‘
’’لیکن حامد میر پر بہت لوگ تنقید کرتے ہیں۔‘‘
میں کہتا چلا گیا۔
ڈوڈو نے کہا،
’’اصل تکلیف یہ ہے کہ
ملالہ زندہ کیوں بچ گئی۔‘‘