لاہورقلندرز اس سال اچھی کارکردگی دکھائینگے،برینڈن میک کولم

دبئی (نمائندہ خصوصی) پاکستان سپر لیگ کی ٹیم لاہور قلندر ز کے کپتان برینڈن میک کولم کا کہنا ہے کہ پاکستان اور نیوزی لینڈ کے کلچرمیں بہت فرق ہے۔ لیکن لاہور قلندرز کو جوائن کرکے لاہور کی ثقافت کا علم ہوا۔ بلاشبہ گذشتہ سال ہماری کارکردگی مایوس کن تھی۔ ہار جیت کسی کے بس میں نہیں ہے۔ لیکن میں یقین دلاتا ہوں کہ اس سال بھی ہماری ٹیم اچھی کارکردگی کا مظاہرہ کرے گی۔ دبئی میں پریس کانفرنس سے خطاب کرتے ہوئے انہوں نے کہا کہ گذشتہ سال کے تجربے سے بہت کچھ سیکھا ہے۔فرنچائز مالک رانا فواد نے کہا کہ ہم نے کھلاڑیوں کو تمام سہولتیں فراہم کیں اور انہیں اس بار بھی یہی سمجھایا ہے کہ وہ کس طرح دنیا بھر میں لوہا منواسکتے ہیں ۔ امید ہے کہ نئے گانے اور پرانے اسپانسرز کے جانے سے ٹیم اچھی کارکردگی دکھائے گی۔