میرانی برادری کے افراد کا احتجاجی مظاہرہ

سکھر (بیورو رپورٹ) روہڑی کے علاقے بڑی پٹنی کے رہائشی میرانی برادری کے افراد نے سکھر پریس کلب کے سامنے احتجاجی مظاہرہ کیا۔ مظاہرے میں شامل اکبر، اللہ وسایو و دیگر نے الزام عائد کیا کہ برادری کے بااثر افراد نے ہمارے گھر پر حملہ کرکے لوٹ مار کی اور خواتین و بچوں کو تشدد کا نشانہ بنایا، پولیس کے بالا افسران سے اپیل ہے کہ نوٹس لیکر انصاف و تحفظ فراہم کیا جائے۔