چین نے امریکا کا مقابلہ کرنے کیلئے بھارت سے مدد مانگ لی

کراچی (نیوز ڈیسک) چین نے امریکا کا مقابلہ کرنے کیلئے بھارتی حکومت سے مل کر کام کرنے کی اپیل کی ہے۔ غیر ملکی میڈیا کی رپورٹ کے مطابق، چینی حکام نے بھارتی حکومت سے رابطہ کرکے امریکا کی جانب سے دنیا بھر میں یکطرفہ اور جارحانہ تجارتی پالیسیوں کیخلاف مل کر کام کرنے کا مطالبہ کیا ہے۔ چین کے نائب وزیر خارجہ ژانگ ہان ہوئی کا کہنا تھا کہ چین اور امریکا کے درمیان تجارتی رسہ کشی اور امریکا اور بھارت کے درمیان تجارتی کشیدگی بھارت اور چین کے درمیان بات چیت کے حوالے سے اہم موضوع ثابت ہو سکتی ہے کیونکہ امریکا دونوں ملکوں کو ڈرانے دھمکانے کی کوششیں کر رہا ہے۔