• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹیلرسوئفٹ ایک سال میں سب سے زیادہ دولت کمانے والی سیلبریٹی بن گئیں

آج کا اخبار
دنیا بھر سے
12 جولائی ، 2019
ٹیلرسوئفٹ ایک سال میں سب سے زیادہ دولت کمانے والی سیلبریٹی بن گئیں

نیویارک (جنگ نیوز)امریکی گلوکارہ ٹیلر سوئفٹ ایک سال میں 18کروڑ 50لاکھ ڈالرز کما کر امیر ترین سلیبریٹی قرار پائی ہیں۔امریکی میگزین فوربز نے سب سے زیادہ کمانے والی 100 شخصیات کی فہرست جاری کی ہے جس میں ٹیلر سوئفٹ کو ایک سال میں سب سے زیادہ کمائی کرنے والی سلیبریٹی قرار دیا گیا ہے۔کیلی جینردوسرے، کانیے ویسٹ تیسرے، لیونل میسی چوتھے، ایڈشیران پانچویں نمبر پر آگئے،2019ءمیں ٹیلر سوئفٹ کی کمائی میں 131 فیصد اضافہ ہوا ہے جو 2018 میں 8 کروڑ ڈالرز تھی، یہ اداکارہ کی سب سے زیادہ کمائی ہے۔اس سے قبل 2016 میں بھی ٹیلر سوئفٹ 17 کروڑ ڈالرز کے ساتھ سب سے زیادہ کمائی کرنے والی سلیبرٹی قرار پائی تھیں۔سب سے زیادہ کمائی کرنے والی شخصیات کی فہرست میں دوسرا نمبر میک اپ کی دنیا کا بڑا نام کیلی جینر کا ہے جنہوں نے 2019 میں 17 کروڑ ڈالرز کمائے۔اس فہرست میں تیسرے نمبر پر امریکی گلوکار و فیشن ڈیزائنر کانیے ویسٹ 15 کروڑ ڈالرز کے ساتھ تیسرے نمبر پر ہیں۔ارجنٹائن سے تعلق رکھنے والے شہرہ آفاق فٹبالر لائنل میسی 12 کروڑ 70 لاکھ ڈالرز سالانہ کمائی کے ساتھ چوتھے نمبر پر ہیں۔برطانوی گلوکار ایڈ شیران پانچویں نمبر پر ہیں،کرسٹیانو رونالڈو 10 کروڑ 90 لاکھ ڈالرز کے ساتھ اس فہرست میں چھٹے جب کہ برازیلین فٹبالر نیمار 10 کروڑ 50 لاکھ ڈالرز کے ساتھ ساتویں نمبر پر ہیں۔بالی وڈ اداکار اکشے کمار نےاس فہرست سے خانز کی چھٹی کرا دی ہے اور 6 کروڑ 50 لاکھ ڈالرز کما کر فوربز فہرست میں 33ویں نمبر پر آگئے ہیں۔

تازہ ترین