وزیر دفاع پرویز خٹک کے بھتیجے احد خٹک نے پیپلز پارٹی میں شمولیت اختیار کرلی۔
پشاور میں پیپلز پارٹی کے مرکزی جنرل سیکریٹری نیئر بخاری نے پریس کانفرنس کی، اس موقع پر احد خٹک نے پی پی میں شمولیت کا اعلان کیا۔
وزیر دفاع کے بھتیجے نے کہا کہ ساتھیوں سمیت پی پی میں شامل ہوئے ہیں، اس موقع پر آصف زرداری سمیت تمام قائد کا شکریہ ادا کرتا ہوں۔
نیئر بخاری نے کہا کہ کنٹونمنٹ انتخابات میں پی پی نے نمایاں کامیابی حاصل کی ہے۔
فیصل کریم کنڈی نے کہا کہ حکومت کا ٹی ایل پی کے ساتھ کیا معاہدہ ہوا ہے؟عوام سمیت ہم سب کو بتایا جائے۔
انہوں نے کہا کہ 19 نومبر کو چیئرمین بلاول بھٹو زرداری نوشہرہ آرہے ہیں۔