عسکری قیادت نے کرسمس کے موقع پر ملک بھر میں مسیحی برادری کو مبارک باد پیش کی ہے۔
پاک فوج کے شعبۂ تعلقاتِ عامہ (آئی ایس پی آر) کے مطابق مسیحی برادری کو یہ مبارک باد چیئرمین جوائنٹ چیفس آف اسٹاف کمیٹی اور سروسز چیفس نے کرسمس کے موقع پر جاری کیے گئے پیغام میں دی ہے۔
آئی ایس پی آر کا یہ بھی کہنا ہے کہ قیامِ پاکستان سے اب تک ملک کے لیے مسیحی برادری کی خدمات غیر معمولی ہیں۔
واضح رہے کہ دنیا بھر کی طرح پاکستان میں بھی مسیحی برادری آج کرسمس کا تہوار مذہبی جوش و جذبے سے منا رہی ہے۔