جماعت اسلامی نے پٹرولیم مصنوعات کی قیمتوں میں اضافے کے خلاف دو روزہ ملک گیر احتجاج کا اعلان کردیا۔
امیر جماعت سراج الحق کا کہنا ہے کہ جمعرات اور جمعے کو ہر شہر میں حکومت کی عوام دشمن پالیسیوں کے خلاف مظاہرے کیے جائیں گے۔
انہوں نے مطالبہ کیا کہ حکومت فی الفور پٹرولیم مصنوعات کی قیمتیں 50 فیصد کم کرے، لیوی اور کسٹم ڈیوٹی ختم کرکے عوام کو سبسڈی دی جائے۔
امیر جماعت اسلامی نے یہ بھی کہا کہ اشیائے خورونوش، ادویات اور بجلی کی قیمتیں بھی آدھی کی جائیں۔